არა! ჩვენთან მასწავლებლად ითვლება ყველა ის, ვინც სხვას ასწავლის. მთავარია მონდომება, კარგი ამოცანა და ქვემოთ მოცემული ნაბიჯების გადადგმა.
ამოცანის დამატება ხდება ამ გვერდიდან.
"ნებულაზე" ამოცანები იყოფა საგნებად, კატეგორიებად და თემებად. ცხადია, ერთი ამოცანა შეიძლება შეესაბამებოდეს რამდენიმე თემასაც (მაგალითად, ამოცანის ამოსახსნელად შეიძლება გვჭირდებოდეს პითაგორას თეორემაც და სამკუთხედის ფართობის გამოსათვლელი ფორმულაც). პირველ რიგში, ვირჩევთ შესაბამის თემებს.
პირველი ეტაპის გავლის შემდეგ ჩვენი ვებ-გვერდი შემოგთავაზებთ არჩეული თემების ირგვლივ არსებული ამოცანების სიას. თუ აღმოჩნდა, რომ თქვენ მიერ ჩაფიქრებული ამოცანა უკვე არის ჩვენს კრებულში, დიდად სავარაუდოა, რომ ჩვენი გუნდი მას ხელმეორედ არ ჩაამატებს.
ამოცანის განსახილველად ჩვენს ჯგუფს სჭირდება როგორც ამოცანის პირობა, ასევე, მისი ამოხსნა (სრულად), ყველა საჭირო ნახაზი, დიაგრამა, ცხრილი, ა.შ. ამოცანის შედგენის შესახებ დეტალურად წაიკითხავთ აქ.
როცა ამოცანა მზადაა, ვაჭერთ "გაგზავნას" და ველოდებით პასუხს ჩვენი ჯგუფისგან.
ჩვენი გუნდი ყოველთვის ცდილობს, მაქსიმალურად სწრაფად განიხილოს შემოთავაზებული ამოცანები. თუ გგონიათ, რომ თქვენი ამოცანა გადაგვავიწყდა, შეგვახსენეთ.